لا أستطيع تحمل طفل ماسك موبايل
أكدت الممثلة المصرية عبير صبري أنها كانت تتمنى إنجاب أطفال، لكنها مؤمنة بقضاء الله وقدره، متطرقة في حديثها إلى تربية الأطفال في الظروف الحالية.
وأضافت “صبري” خلال استضافتها في برنامج “أسرار النجوم”: “الزمن اللي حوالينا خلاني أقول إزاي كنت هربي طفل في وقتنا الحالي، ويعيش في ظل عالم السوشال ميديا الغامض الشرير وغير المفهوم”.
وتابعت الممثلة المصرية: “أرجع وأقول محبش يكون عندي طفل لأني مش هعرف أحميه، والغرض من إنجاب طفل في الحياة هو حماية لأن دي نعمة ربنا وهبها لنا، عشان كدة كنت أحب أربيه بشكل كويس ويكون مسؤول ومفيد لنفسه وللناس، وأنا مقدرش أتحمل طفل ماسك موبايل وبيعمل حاجات مقدرش أستوعبها، وأرجع أسال نفسي إزاي كنت هحميه في الوقت والزمن ده.”.
ووجهت عبير صبري نصيحة إلى جمهورها بالابتعاد عن الطاقة السلبية بالعمل الجاد، قائلة: “أهم حاجة نبعد عن الطاقة السلبية واليأس والإحباط، ونتوكل على الله فقط ونعمل اللي علينا ونشتغل ونرضى باللي عندنا، وأنا ربنا منحني الجهد والطاقة عشان أدفع نفسي لقدام بمجهودي، والحمد لله عندي نعمة كبيرة وهي بيتي وزوجي وحب الناس ليا”.
وفي الشأن الدرامي، فإن آخر أعمال الممثلة المصرية كان مسلسل “جميلة” الذي عرض في دراما رمضان 2023 من بطولة سوسن بدر، هاني عادل، أحمد وفيق، يسرا اللوزي.
Source link
