أعرب الفنان المصري شريف منير عن دعمه لابنته “أسما”، التي تعرّضت لانتقادات لاذعة، بعد حلقها شعرها كاملاً، مُبدياً إعجابه بتصرفاتها، وإطلالتها الجديدة.

جاء ذلك في فيديو شاركه عبر حسابه على “إنستغرام”، حيث ظهر خلاله، وردّ على الانتقادات التي تعرضت لها ابنته، كما وجه لها رسالة مليئة بالحب.

وقال شريف: “إيه الضجة والدوشة إللي عاملينها دي، كل ده علشان بنتي قصت شعرها قدام الكاميرا، إيه الغلط إللي عملته، تصرف عادي جدًا مفهوش أي حاجة”.

وأكد أنه لا يقف في وجه ابنته لإرضاء من حوله: “اوعوا تفتكروا أن أنا ممكن آجي على بنتي علشان خاطر أكسب رضاكم، دي بنتي إللي مليش غيرها وإللي بحبها، وبالمناسبة اللوك عاجبني، وأنا مبسوط منها أوي”.

وأضاف: “قبل الإخوة السادة الملائكة الصالحين، إللي عمّالين يقلّوا أدبهم ويشتموا، ويقولوا بتاخذ تريند وأبوها معرفش يربيها، أنا بنتي متربية كويس جدًا، وبتتصرف باللي هيه حاسة بيه، المهم إنها مش بتئذي أي أحد، وقبل ما تتكلموا بصّوا على نفسكم وأولادكم وإخواتكم قبل ما تنتقدوا وتغلطوا”.

وأشار إلى أن أسما “حرة بتصرفاتها” وهو لا يرفض ذلك: “ريّحوا نفسكم واهدوا شوية، إللي حصل من بنتي مش غلط، وهي حرة في نفسها، وبنتي عندها 36 سنة، وأُم، ومسؤولة عن نفسها، أنا أب مسؤول إني أحميها، وهي حرة في تصرفاتها”.

ووجّه “شريف” خلال الفيديو رسالة دعم لابنته، قائلاً: “أسما إنت شكلك زي القمر وكان حلو جدًا، وبرافو عليكِ إنك أخذت التريند، متسمعيش كلام حد، ومتهتميش بكلام حد، وأنا مش مهتم بالكلام إللي بيتقال عني أو عليها”.