تضامن الفنان المصري خالد سليم مع والدته بحلق شعره على الهواء مباشرة بعدما كشف عن إصابتها بمرض السرطان، متمنياً لها الشفاء العاجل.

وقال سليم خلال استضافته ببرنامج “كتاب الشهرة” الذي يعرض عبر قناة “الجديد”: أنا هعمل حركة دي بس مش عاوز حد يفهمها غير أني بعملها عشان والدتي، لكل اللي جالهم المرض اللعين ده وكل الناس اللي فقدت أحد حبابيهم بسبب المرض القذر ده.. ربنا يتمم شفاءهم على خير.

ولم يتمالك سليم دموعه بعد حلق شعره وحديثه عن إصابة والدته بالسرطان، معلقا: شكلها كبر ولكن لسة شكلها قمر زي ماهي.

وأكمل حديثه: قبل ما أكون فنان، أنا اتربيت كويس عشان كدا الناس حبتني، الحمدلله دا فضل ونعمة من ربنا، وأنا أنتمي لعائلة متوسطة الحال، كلها بتحب بعضها، أنا ثالت مولود، وكنت محاط بدفئ، وأنا كنت شاطر في دراستي، ومع الوقت بدأ أهلي يكتشفوا في موهبة الغناء، وحاولوا ينموها ودي حاجة كويسة، لأن فيه بعض العائلات بيهدموا مواهب أولادهم.

وأوضح الفنان المصري: أولا الوالد هو السند والضهر، حتى لو كبر في العمر، لأنه يملك خبرات بالحياة، وواحشني أوي الفول والفلافل اللي كان بيعملهم، وكان في آخر أيامه بيعمل أكل مش معقول، ودائما لما بشوف الأكل دا في البيت بفتكره وبحزن جدا.

وكشف خالد سليم، أنه كان يريد حلاقة شعره في وقت سابق، ولكنه كان مرتبطا بالعديد من الالتزامات، لكنه سيعتذر عن جميع التزاماته لأجل والدته.